عايز تدخل عالم الذهب؟ سواء استثمار أو حفظ قيمة أو حتى شوية شياكة؟ نتناول فى هذا الدليل لصفحة " توقعات وأسعار الذهب - مباشر " أهم المفاهيم المتعلقة بأنواع عيارات الذهب، الفروقات بين الجنيهات والسبائك، المصنعية، الدمغة، الكاش باك، وأفضل طرق الشراء والتداول، ونصائح لتفادي الخسارة أو الوقوع في أخطاء شائعة ...
🟡 الزيتونة: دليل الدهب للمبتدئين
💍 أنواع العيارات في الذهب
- أشهر عيارات الذهب في مصر:
- عيار 18: فيه نسبة ذهب أقل + تشكيلات مشغولة.
- عيار 21: الأكثر تداولًا في الجنيهات.
- عيار 24: أنقى أنواع الذهب وبيُستخدم في السبايك.
🪙 الجنيهات الذهب
- دايمًا عيار 21.
- أوزانها:
- 2 جم = ربع جنيه
- 4 جم = نص جنيه
- 8 جم = جنيه كامل
🧱 السبايك الذهب
- دايمًا عيار 24
- تبدأ من:
ربع جم - نص جم - 1 جم - 2.5 جم - 5 - 10 - 20 - 31.1 (أوقية) - 50 - 100 - لحد كيلو
🛠️ المصنعية
- كل ما الحجم أصغر = المصنعية أغلى (بسبب دقة التصنيع).
- سواء جنيه أو سبيكة أو مشغولات... كلهم بيضيفوا مصنعية.
🔒 الدمغة والمصداقية
- الدهب المدموغ = معتمد من مصلحة الدمغة والموازين (مكتوب عليه العيار).
- "بلدي" = مش مدموغ → ممكن عياره مش مضبوط → ممكن يخصموا من الوزن وقت البيع.
📦 الدهب المغلف
-
سبيكة مغلفة = إنتاج شركات محترمة:
- مكتوب عليها العيار + الوزن
- فيها سيريال نمبر
- فيها علامة مائية ضد التزوير
- مفضلة في السوق سواء عند الصايغ أو الأفراد
-
أشهر الشركات:
BTC – Swiss Gold – Sam – Selema – Fine Gold – Goldera
💰 البيع والشراء
- الدهب بيتباع بالجرام.
❗بعض المحلات تبيع بالقطعة = خسارة لك، لإنك بتدفع أكتر من قيمة الدهب. - ليه فيه فرق في السعر؟
- فيه سعر شراء (أنت بتشتري بيه)
- وسعر بيع (لما تيجي تبيع أنت)
- الفرق غالبًا من 10 إلى 20 جنيه في الجرام
- أحيانًا يوصل لـ 50 أو 70 (نادراً)
🎁 الكاش باك (Cashback)
- يعني لما تبيع السبيكة أو الجنيه المغلف، جزء من المصنعية بيتردّلك.
- بيتراوح بين 15 لـ 28 جنيه في الجرام.
- مهم: خليه يكتب الكاش باك في الفاتورة (أأمن)، بس لو من شركة معروفة مفيش قلق.
_________
🛍️ فين أشتري؟
-
من الشركة مباشرة
-
أو موزعين معتمدين
-
أو أي صايغ عنده المنتج
⛔ مفيش ميزة حصرية للشراء من الشركة. -
الشراء من الصايغ أحيانًا أسرع (متوفر فورًا).
🔁 فين أبيع؟
- تقدر تبيع لأي صايغ أو نفس الشركة أو حتى أفراد.
❗مش ملزم تبيع في نفس مكان الشراء.
⚠️ ملاحظات مهمة
- الجنيه mom مش مغلف، منتشر في اسكندرية، وعياره أقل شوية → بيتخصم منه عند البيع.
- الدهب الكسر = محروق / مكسور → غير مفيد للاستخدام أو الاستثمار.
📈 الاستثمار في الدهب
- مش للمضاربة أو المكسب السريع.
- بيركن سنة على الأقل قبل ما تحسب مكسب أو خسارة.
🤝 سلف الذهب
- اللي يستلف جرام دهب → يرجعه جرام دهب
❗ الأحسن بلاش سلف دهب من الأساس.
💸 زكاة الذهب
- الزكاة واجبة لو عندك 85 جرام ذهب عيار 24 أو ما يعادله + مر عليه سنة هجرية.
✅ احسب الزكاة على كل ما تملك (ذهب – مال – عقار)
📿 نصائح فقهية
- الذهب من الأصناف الربوية. لازم الشراء يكون يدًا بيد (استلام فوري)،
عشان ما تدخلش شبهات شرعية.
👉 راجع: إسلام ويب – ابن باز – شيوخ ثقة
🇪🇬 عيار 14؟ لا شكرًا
- متداول برا مصر بس مش مرغوب هنا. الصايغ بيكشف عليه علشان يتأكد إنه دهب.
🧏♂️ نصيحة أخيرة
- الدهب ما يتشهرش. اشتري واسكت.
مش لازم صاحبتك ولا سلفتك يعرفوا عندك كام جرام.
💬 "داري على سبايكك... تزيد!" 😎💪
ليست هناك تعليقات:
إرسال تعليق